amalinks wokungena

Breaking News

Inhloko ZeNdaba Lwezi 2, 2020


Usibalukhulu wesabelo seNkabazwe uSenator Larry Mavima ubikwa esezivalele kukhamuli lakhe yedwa emzini wakhe ngemva kokuhlolwa wafunyanwa eleCovid 19. Sebezinkulungwane ezedlula ezithobaminwe mibili-8,374, asebetholakale beleCovid 19 eZimbabwe.

Uhulumende uthi imbiko yokuthi uNkosikazi Auxillia Mnangagwa lendodana yakhe uCollins bantshontsha igolide akusiqiniso njalo yikutshotshozela abantu ukuthi betshengisele.

Inkampani kagesi eyeZETDC isikhweze intengo kagetsi nge 50%, ukukhwela kwentengo le ngokwesibili enyangeni eyodwa.Abantu abayisithupha abagoqela amapholisa labacuphi, amaCIO, bamiswe emthethwendaba besetheswa icala lokusebenza loNkosazana Henrietta Rushwaya kudaba lokuzama ukuphuma legolide elizweni ngaphandle komthetho.

Ngesikhathi eleMelika liphakathi kokhetho lokudinga umongameli omutsha kumbe njalo ukubuyisela ovele ekhona, uzulu we Zimbabwe uthi kunengi okungafundwa endabeni zokhetho ukuze luqhutshwe ngcono elizweni. Kodwa uhulumende yena uthi akula okungafundwa yiZimbabwe mayelana lalolukhetho.

Kulokwesabela ukuba umsebenzi wonke obusuwenziwe elizweni wokuthuthukisa impilakahle yamantombazana labesifazane kwezocansi lezokuhlela kuhle imuli, ungacina usiba yize ngenxa yokqhubeka kokonakala kwesimo somnotho welizwe lobunzima obudalwe yikuqhamuka kweCovid 19 okubangele ukubekwa kweziqondiso zokumelana legcikwane leli ezeLockdown.

Umqeqetshi weqembu labesilisa elimela ilizwe emdlalweni wenguqu elama Warriors, uZdravko Logarusic uthi akulabantu abamtshela ukuba abize baphi abadlali njengalokhu okucatshangelwa ngabanye abalandeli bomdlalo wenguqu.

Ku Livetalk namhlanje sikhangela okwenzakala eZimbabwe kanye lokhetho lweleMelika.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG