Endabeni zethu lamhlanje……………
*** Abasekeli bebandla eliphikisayo eleMDC ekhokhelwa nguMnu. Nelson Chamisa babhaxhabulwe balinyazwa kakubi ngabezomvikela esigodlweni saleli bandla eseHavest House eHarare namhlanje bemelele umbiko oqakathekileyo obumele wethulwe ngumkhokheli wabo.
*** Izakhamizi zakoBulawayo zikhokhelwa ngabebandla leMthwakazi Republic Party- MRP bavale isitholo seOK Supermarket esiseGodini zisethesa abaqondisi umlandu wokuqhatsha abantu abasuka phandle kwedolobho leli.
*** Inhlanganiso zaMakhosikazi adabuka eZimbabwe asehlala kweleBhilithane abazibiza ngegama lokuthi Mthwakazi Queens-UK bemanyene labelinye njalo iqembu elizibiza, 'Kuwe Babakazi' babelomkhosi wokubuthanisa imali edolobheni leCoventry emcimbini wabo weminyaka yonke weKhisimusi.
*** Abenhlanganiso elwela amalungelo kazulu, eye Crisis in Zimbabwe Coalition baseBotswana, sikhulumanje, bedinga ukukhulumisana labalesifiso sokuzama ukuxazulula ingxaki zeZimbabwe.
*** KuLiveTalk namhla kuhlelo “Diaspora Forum” sikhangela okwenziwa yizizalwane zeZimbabwe esezihlala emazweni, ukubuthanisa imali yokunceda abaswelayo ukuthi bathole uncedo lokwelatshwa. Nxa lifuna ukungena kuhlelo sithumeleni umlayezelo kunombolo ezithi 0012024650318. Lingakhuthwa yilezindaba lezinye kuStudio 7 ngo half past 7 ntambama lango half past 6 ekuseni, kumagagasi athi 909 am, 4930, 15580 laku 6080 kilohertz kuShortwave.