amalinks wokungena

Breaking News

Inhloko ZeNdaba Lwezi 22, 2021


Sebeyizigidi ezedlula ezintathu lengxenye-3,671,157, asebehlatshiwe ijekiseni yokuzivikela kuCovid 19. Lelinani ligoqela izigidi phose ezintathu-2,747,693, zabahlatshwe amajekiseni womabili, ifirst le second dose, kubika abogatsha lwezempilakahle.

Kunje sebezinkulungwane ezedlula kancane ikhulu-133,674 asebahlaselwa yiCoronavirus lokhe lolubhubhane lwaqhamukayo eZimbabwe nyakenye okugoqela abasindayo abazinkulungwane ezedlula ezilikhulu-128,437, kwafa abazinkulungwane phose ezinhlanu-4,699.

Umkhokheli weMDC Alliance uMnu Nelson Chamisa uqhubeke ngemihlangano yakhe yokukhankasela ukhetho eMatabeleland South namuhla ngemva kokuqhuba uhlelo olufanayo enyakatho yeMandebeleni ngeviki edlulileyo. UChamisa uthi konke lapho aya khona abantu bakhala ngokuthi bafuna inguquko kundlela ababuswa ngayo.

UBulawayo upha imibono yabo ehlukeneyo ngohlelo lokukhankasela ukubhalisela ukuvota, olwenziwa phansi kwesihloko esithi #EkhayaVote2023 ngesizatho sokuthi ngomnyaka ozayo sekuhlelwa izigaba zilakho ukwehla uma inani labantu ababhalisele ukuvota liphansi.

Ibandla lezombusazwe elisanda kusungulwa eleAfrican National Congress Zimbabwe lithi lifuna ukukhanga abatsha abadabuka eZimbabwe ukuba bebavotele ukwenzela ukuguqula inhlalo kazulu lezomnotho okuzakwenza baphile kahle kulalokhu ababhekane lakho okwamanje.

Ungcwatshwe, eNational Heroes Acre namuhla, uAmbassador Simon Khaya Moyo obhubhe ngeviki edluleyo.

KuLivetalk namuhla sikhangela ukuqhubeka kohlelo lokuhlatshwa kwabantu ijekiseni yokuzivikela kuCovid 19, lokunye okwenzakala elizweni.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG