amalinks wokungena

Breaking News

Inhloko ZeNdaba Lwezi 23, 2020


Ingcwethi zezempilakahle sezikhuthaza uhulumende ukuba abuyisele iziqondiso zokuvala indawo ezinjenge Bulawayo kuLockdown ngoba abantu abanengi bazabulawa yiCoronaviris kuthi inengi lidlale iKhisimusi likhala ngoba abantu bengasalandeli iziqondiso zokuzivikela kuCovid-19.

Abenhlanganiso yeZimbabwe Community in South Africa isisungule uhlelo oluzasiza izizalwane zeZimbabwe lezakweleSouth Africa ukusungula amabhizimusi ndawonye lokwabelana amacebo emisebenzi.

Noma nje eleBotswana lisithi lizavula imingcele ekuqaleni kukaMpalakazi, kulengozi yokuthi inengi labeZimbabwe lingehluleka ukuya ekhaya ngesikhathi sekhefu yeKhisimusi.

Kulabatsha abahlala emizini embalwa yaseHarare, asebencedakala kakhulu phansi kwenhlelo ezasungulwa ngeyinye inhlanganiso ezimeleyo. Lolu ncedo lugoqela imvunulo esetshenziswa ngamantombazana nxa besesikhathini, ulwazi lokuzivikela emikhuhlaneni yengulamakwa lokwelatshwa nxa bethe bayithelelwa.

Owayengumsekeli kamongameli, uMnu. Joseph Biden, okukhanya ukuthi wanqoba kukhetho lukamongameli olusanda kwenziwa, ukhangelelwe ukukhetha amalunga edale leCabinet yakhe kusasa loba uMongameli Donald Trump esithi ukhetho aluqhutshwanga ngemfanelo.

Ku Livetalk namhlanje siqhubeka sikhangela ukuqonga kwenani lasebetholakala beleCovid 19 emhlabeni jikelele okugoqela eZimbabwe kanye lengxabanxoza eqhubeka iseMelika ngemva kokhetho.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG