amalinks wokungena

Breaking News

Inhloko ZeNdaba Lwezi 24, 2020


Kulabantu abahlanu ababulewe yiCoronavirus izolo eZimbabwe, abane babo bengabedolobheni lakoBulawayo, oyedwa engowesigabeni seMasvingo, osokukhuphule inane lasebebulewe yileli gcikwane laya kwabangamakhulu phose amathathu-273.

Abebandla eliphikisayo eleMDC Alliance bethula umbiko oqakathekileyo ophathelane lesimo somnotho welizwe.

ldale lephalamende libikwa selizasebenzisa inkundla zobulembu ekwenzeni imisebenzi yonke yedale leli, kulandela ukuqhamuka kweCovid-19. Lokhu kuphume emhlanganweni owenziwe ngabaleli dale labezindaba labenhlanganiso ezizimeleyo zakoBulawayo, Matebeleland North leSouth ngokusebenza kwalo ngaphansi kwesisekelo sombuso esitsha.

Noma nje eleBotswana lisithi lizavula imingcele ekuqaleni kukaMpalakazi, kulengozi yokuthi inengi labeZimbabwe lingehluleka ukuya ekhaya ngesikhathi sekhefu yeKhisimusi.

Ukutshiswa kwamaroli aphose afike amatshumi amathathu kumkhankaso wokulwisa abatshayeli bakwamanye amazwe kweleSouth Africa sekulethe ukwesaba okukhulu kuzizalwane zeZimbabwe lezakwamanye amazwe ezitshayela amaroli.

Owayengumsekeli kamongameli, uMnu. Joseph Biden, okukhanya ukuthi wanqoba kukhetho lukamongameli olusanda kwenziwa, ukhangelelwe ukukhetha amalunga edale leCabinet yakhe kusasa loba uMongameli Donald Trump esithi ukhetho aluqhutshwanga ngemfanelo.

Ku Livetalk namhlanje kuhlelo lwabatsha olwe “The Connection” siqhubeka sikhangela ukuqonga kwenani lasebetholakala beleCovid 19 emhlabeni jikelele okugoqela eZimbabwe kanye lengxabanxoza eqhubeka iseMelika ngemva kokhetho.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG