amalinks wokungena

Breaking News

Inhloko ZeNdaba Lwezi 27, 2020


Phakathi kwabedlula inkulungwane eyodwa abahlolwe iCovid 19, ngokutshona kwelanga layizolo, abedlula ikhulu-115, batholakale belegcikwane leli. Abangamatshumi edlula ayisithupha-63 ngabako Bulawayo, abalitshumi lane-14 bengabeMatebeleland South labane abeMatebeleland North. Okutsho ukuba umhlubulo weMandebeleni lokhu ukhokhela ngenani eliphezulu Labantu abafunyenwe belegcikwane leli, lokhe linyanga kaLwezi iqalileyo.

Kuphuma imibono etshiyeneyo phezu koluhlu lwendleko lokubuthaniswa kwemali ezasetshenziswa nguhulumende olweNational Budget yomnyaka ozayo, yamaBillion edlula amakhulu amane amadollar eZimbabwe-ZW$421 billion, eyethulwe ngumphathintambo wezemali uMnu.Mthuli Ncube.

Umongameli Cyril Ramaphosa wakwele South Africa, wazise ngequla labaphathintambo aselibumbile, abazahlolisisa udaba lokutshiswa kwamaroli empini yokulwiswa kwabatshayeli bakwamanye amazwe abasebenza elizweni lakhe.

UMongameli Donald Trump uthi uzasuka esikhundleni nxa abakhetha umongameli kwele Melika, besebenzisa lokhu okuthiwa yiElectoral College, bengakhetha uMnu. Joseph Biden, okhanya emqobe kukhetho olusanda kwenziwa.

Kuhlelo Woza Friday namuhla sihamba lomhlabeleli kamaskandi uMqaphi Siwela ephethe idlalade lakhe elitsha elilesihloko esithi ‘Umfazomuntu’.

Ku Livetalk namhlanje siqhubeka sikhangela ukuqonga kwenani lasebetholakala beleCovid 19 emhlabeni jikelele okugoqela eZimbabwe kanye lokwenzakala kweleMelika ngemva kokhetho lokudinga umongameli welizwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG