Endabeni zethu lamhlanje ……………..
************* Uhulumende weleSouth Africa usekhuthaze amapholisa ukuthi abophe ngokuphangisa abamemethekisa udlakela lokuhlaselwa kwabakwamanye amazwe oluqhubekayo elizweni lelo.
*********** Abalimi begwayi bakhala ngendlela entsha yokubabhadala ngedola leMelika esetshenziswa lonyaka ngamankampani emikhambo lapho abathengisela isilimo sabo besithi kabayizwisisi, osokubangele ukuthi inani labalimi elithengisela emikhambo le liyehlile kakhulu lonyaka.
*********** Abenhlanganiso enceda abafundi, eye Mopane Foundation International bebambisana labenhlanganiso yeInspire Women, Men and Children basungule uhlelo lokufundisa abazali, ababalisi labafundi ukuthunga imvunulo yokuvitsha uma omama lamantombazana besesikhathini amasanitary pads, alakho ukusetshenziswa njalo nje.
********** Kwezemidlalo……iStudio 7, ikwethulela okwenzakale kuviki lakuqala elemidlalo yenguqu esigaba se Castle Lager Premier Soccer League.
********** KuLiveTalk namhlanje sikhangela ukunqoba okwenziwe libandla leZanu PF kukhetho lokudinga ukhansila wemzini weCowdray Park koBulawayo ngempelasonto. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokuxhumana eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave.