amalinks wokungena

Breaking News

Inhloko ZeNdaba Mabasa 02, 2021


Sokuhlatshwe abantu abazinkulungwane ezingamatshumi aphose afike athoba munwemunye- 87,791, ijekiseni yeCOVID-19 Vaccine eZimbabwe, kusukela lolu hlelo luqalileyo ngoNhlolanja.

Kunje sebezinkulungwane eziphose zifike kumatshumi amane-36,896, asebefunyenwe beleCovid 19, lokhe leli gcikwane liqhamuke e Zimbabwe nyakenye ngoMbimbitho. Abazinkulungwane ezingamatshumi phose amathathu lanhlanu-34,698 babo, bengabagule basila kulumkhuhlane. Inani lasebulewe yilumkhuhlane seledlula inkulungwane lengxenye-1,523.

Ikhansili yakoBulawayo ithi abantu bengaqhubeka behlatshwa ijekiseni yokwenqabela i-COVID 19 ngaleli ikhefu lephasika emaklinika abalisa eyeLuveve, Phelandaba, Nkulumane leMzilikazi.

Amakholwa esiKristu elizweni lonke ananza iPasika emabandleni atshiyeneyo okholo ngalezi zikhathi zokumelana lobhubhane lweCovid 19.

Inhlanganiso elwela amalungelo amatitshala eye ZIMTA ithi kusukela ngoLwesibili ngeviki ezayo ababalisi bazakuya kathathu kuphela emsebenzini ngenxa yokuswela imali.

Kuhlelo Woza Friday kuliviki silomculi wengoma zokholo uAbednicho Skhosana onguye esithakazelela ikhefu lePhasika sikwejise laye.

Ku Livetalk namhlanje siqhubekela phambili sikhangela uhlelo lokuhlaba abantu ijekiseni yokuzivikela ekubambeni umkhuhlane eyeCovid 19 Vaccine.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG