amalinks wokungena

Breaking News

Inhloko ZeNdaba Mabasa 05, 2021


Sokulabantu abazinkulungwane ezedlula kancane ikhulu- 117,297, asebehlatshiwe ijekiseni yeCOVID-19 Vaccine eZimbabwe, kusukela lolu hlelo luqalileyo ngoNhlolanja.

Kunje sebezinkulungwane eziphose zifike kumatshumi amane-36,923, asebefunyenwe beleCovid 19, lokhe leli gcikwane liqhamuke e Zimbabwe nyakenye ngoMbimbitho. Abazinkulungwane ezingamatshumi phose amathathu lanhlanu-34,748 babo, bengabagule basila kulumkhuhlane. Kuthi inani lasebulewe yilumkhuhlane seledlula inkulungwane lengxenye-1,525.

Inani labahlatshwa ijekiseni yeCovid 19 emakilinika ko Bulawayo libikwa liqansile ngekhefu le Phasika.

Amakholwa esiKristu eZimbabwe aveza imibono yabo ehlukileyo ngekhefu leEaster Monday ngesikhathi ilizwe liphakathi kokumelana lobhubhane lweCovid 19.

Iqembu le Bulawayo Chiefs libe ngelinye lamaqembu asukumele phezulu ekulungiseleleni ukuba imidlalo yalonyaka iqale. Abadlali baleliqembu bahlolwe ngeviki eyedluleyo ukuba kabala yini umkhuhlane we Covid - 19 okuyinto okumele kwenziwe ngamaqembu wonke phambilini kokuba aqale ukuzilolonga.

Ku Livetalk namhlanje sikhangela ukuthi uhlelo lokuhlaba abantu ijekiseni yokuzivikela ekubambeni umkhuhlane eyeCovid 19 Vaccine iqhubeka njani ngalesi sikhathi sekhefu lokunanza iPhasika.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG