Umongameli Emmerson Mnangagwa uselaye abakumsebenzi wokutholisa uzulu imali abayithunyelwa ivela kwamanye amazwe, abama Money Transfer, ukuthi bavule kusukela kusasa ukwenzela ukusiza labo abaphila ngemali abazithunyelwa yizihlobo labangane ezisemazweni.
Izitolo zezifuna incwadi etshengisa ukuthi uhlala ngaphi uma uthenga impuphu njenge ndlela yokwenqabela ukuthenga okwedlulisileyo. Indwendwe zabathengi bempuphu ziqhubekela phambili, kunganakwa umthetho wokuba abantu kumele bangaminyani ekwenqabeleni ukuthelelanwa kwegcikwane le Covid-19.
Abatsha beZimbabwe sebeqalile inhlelo ezitshiyeneyo zokubambisana lohulumende ekuvimbeni ukumemetheka komkhuhlane weCoronavirus. Inhlanganiso yePlatform For Youth Development isanda kuqala uhlelo olujonge ukufundisa uzulu eManicaland okunengi mayelana ngalumkhuhlane.
Ku Livetalk namhlanje kuhlelo lwabatsha olwe ‘The Connection’ siqhubeka sikhangela ukumemetheka kegcikwane leCoronavirus emhlabeni jikelele.