Abogatsha lwezempilakahle babika ukuba ngokutshona kwelanga layizolo kuphela besekulenkulungwane ezedlula ezilitsdhumi lanhlanu-15 133, abakade sebehlatshiwe ijekiseni yeCOVID-19 Vaccine, okukhupule inani lasebehlashiwe leyi ijekiseni eZimbabwe, kusukela lolu hlelo luqalileyo ngoNhlolanja, kwabazinkulungwane ezilikhulu lamatshumi phose amane-139,133.
Intsha yeMaNdebeleni iyakhonona ngokwethulwa kwekhansili elawula okwenziwa ngabasakhulayo elizweni, eyeZimbabwe Youth Council ngumpathinambo wezemidlalo uKirsty Coventry engela ngitsho ummeli oyedwa wabatsha osuka eMaNdebeleni kumalunga ayisitshiyangalombili aweBoard yeZYC
Owayengumqoqi wenhlelo zeMDC-T, uMnu. Abednico Bhebhe uselandule imbiko yokuthi uselilunga lebandla leMDC Alliance.
Inengi lamabandla ezombusazwe aweZimbabwe kweleSouth Africa athi ayasekela ukutshengisela okuzaqhutshwa libandla le MRP esigodlweni seZimbabwe ePretoria kusasa.
Inkokheli yamazwe akunhlanganiso yomanyano wamazwe awezansi yeAfrica, eye Southern African Development Community (SADC) izahlangana kweleMozambique kusasa langoLwesihlanu, ihlaziya udaba lokuthi kungathunyelwa na, ibutho lokuyalwisana labalwa becatsha, abesiIslam bedlulisa amalawulo, esigabeni seCabo Delgado.
Isikhulumeli seqembu lomdlalo wenguqu ele Highlanders uRonald Moyo uthi kuqakathekile ukuba abadlali bahlolwe impilakahle yabo phezu kokuhlolwa iCovid – 19.
Ku Livetalk namhlanje kuhlelo “Diaspora Forum” sikhan gela okwenziwa yizizalwane zeZimbabwe esezihlala kwamanye amazwe.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.
Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.