Endabeni zethu lamhlanje ……………..
************* UMongameli Emmerson Mnangagwa namhlanje unxuse osomabhizimisi ngenhloso yokubacela usizo ekuphathiseni labo abathinteke engozini yezulu lesiphepho ele Cyclone Idai ngenyanga edluleyo ezabelweni zeManicaland le Masvingo.
*********** Uhulumende uthi abantu bonke abanyamalalayo abangaziwa ukuthi bangaphi kuze kube manje engozini yezulu lesiphepho sikaCyclone Idai, kumele baphathwe njengabantu asebatshonayo.
*********** Abenhlanganiso yeRed Cross Society Botswana, bathi noma nje bethole usizo lwemphahla enengi yokuyaphathisa labo abayehlelwe yingozi yezulu lesiphepho seCyclone Idai, sekudingakala ongaphathisa ngezimota zokuthwala loloncedo lusiwa eZimbabwe.
********** Silodaba lwembali yamanye amakhosikazi ahlala kweleBhilithane ahlangana enkundleni yokuzilibazisa lokukhulumisana eyeFacebook abumba inhlanganiso abayipha igama lokuthi ‘Kuwe Babakazi’, belenjongo yokuphathisa abaswelayo eMatabeleland.
********** KuLiveTalk namhlanje kuhlelo Diaspora Forum’ sikhangela udaba lombuqhazwe weGukuruahundi. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokuxhumana eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave.