amalinks wokungena

Breaking News

Inhloko ZeNdaba Mabasa 12, 2021


Sebezinkulungwane eziphose zifike ezingamatshumi amathathu-28,898, asebehlatshiwe ijekiseni yesibili eyeCOVID-19 Vaccine, okukhupule inani lasebehlashiwe leyi ijekiseni eZimbabwe, kusukela lolu hlelo luqalileyo ngoNhlolanja, kwabazinkulungwane eziphose zifike amakhulu amabili-194,594.

Inani lasebetholakale beleCovid 19 lokhu laqhamukayo eZimbabwe nyakenye, sebezinkulungwane ezingamatshumi phose amane- 37,288. Okulinani eligoqela inkulungwane ezingamatshumi phose amathathu lanhlanu- 34,873 labagule basila kuleligcikwane, labulala abedlula inkulungwane eyodwa lengxenye-1,538.

Uzulu we Zimbabwe useqala ukwamukela ngenjabulo ijekiseni le Covid-19 kulabantu asebedlula inkulungwane ezilitshumi asebehlatshwa nge langa.

UNkosazana Precious Sibalo, owaqala ngemisebenzi engatsho lutho efana lendaweni zokudlela ezamaRestaurant, wenza ezemibukiso yamantombazana imodelling njalo lokukhathalela abagade indizamtshina, usetshayela indizamtshina. UNkosazana Sibalo uthi kumele abantu balandela okufiswa zinhliziyo zabo ukuze baphumelele.

Kwezemidlalo…….Inhlanganiso yeInspire Women, Men and Children Trust idingele abadlali bomdlalo wenguqu abasedolobheni lako Bulawayo izicathulo zokusebenzisa, ama shooters, ezilikhulu lamatshumi amahlanu..

Ku Livetalk namhlanje sikhangela ukuqhubeka kohlelo lokuhlatshwa kwabantu ijekiseni yokuzivikela ukubanjwa ngumkhuhlane, eye Covid 19 Vaccine.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG