amalinks wokungena

Breaking News

Inhloko ZeNdaba Mabasa 13, 2021


UMongameli Emmerson Mnangagwa uthi ele Zimbabwe liphakathi kwamazwe awezwekazi le Africa, aphezulu kuluhlu lwalawo aqhuba kakhuhle uhlelo lokuhlaba abantu ijekiseni yokuzivikela ukubanjwa yiCovid-19, eye Vaccine. Kodwa lokhu kwenzakala ngesikhathi ingcitshi zezempilakahle zisithi amajekiseni alungiswa kweleChina kawakasebenzi okwezinga laphezulu.

Abogatsha lwezempilakahle babika ukuba kulabazinkulungwane ezedlula ezilitshumi-10,681, abahlatshwe ijekiseni yakuqala eyeCOVID-19 Vaccine, ngokutshona kwelanga layizolo, okukhupule inani lasebehlashiwe leyi ijekiseni eZimbabwe, kusukela lolu hlelo luqalileyo ngoNhlolanja, kwabazinkulungwane eziphose zifike amakhulu amabili-205,275.

Inani lasebetholakale beleCovid 19 lokhu laqhamukayo eZimbabwe nyakenye, sebezinkulungwane ezingamatshumi phose amane- 37,307. Okulinani eligoqela inkulungwane ezingamatshumi phose amathathu lanhlanu- 34,901, labagule basila kulumkhuhlane, labulala abedlula inkulungwane eyodwa lengxenye-1,542.

Kweziphathelane lomnotho namhlanje: Osomabhizimusi kanye labacubungula ezenotho bathi umthelo werayisi uhulumende athi kumele uhlawulwe ngamankampani kubuyelwa emuva kumnyaka ka2017 uzabulala amabhizimusi njalo ulimaze labathengi.

Kwezemidlalo…….Inhlanganiso yeInspire Women, Men and Children Trust idingele abadlali bomdlalo wenguqu abasedolobheni lako Bulawayo izicathulo zokusebenzisa, ama shooters, ezilikhulu lamatshumi amahlanu..

Ku Livetalk namhlanje kuhlelo “The Connection” sixoxa labatsha abakubhizimusi kunhlangothi ezitshiyeneyo zempilo ngenhlupho ababhekane lazo ngalezi zikhathi zokumelana leCovid 19.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG