amalinks wokungena

Breaking News

Inhloko ZeNdaba Mabasa 14, 2021


Ngokutshona kwelanga layizolo, eZimbabwe, kuhlatshwe abantu abazinkulungwane ezedlula ezilitshumi lantathu-13,241, ijekiseni yakuqala eyeCOVID-19 Vaccine, kubika abogatsha lwezempilakahle. Lokhu kukhuphule inani lasebehlatshiwe ijekiseni leyi elizweni, kusukela lolu hlelo luqala ngoNhlolanja lonyaka, kwabazinkulungwane ezedlula amakhulu amabili-218,516.

Inani lasebetholakale beleCovid 19 lokhu laqhamukayo eZimbabwe nyakenye, sebezinkulungwane ezingamatshumi phose amane- 37,330. Okulinani eligoqela inkulungwane ezingamatshumi phose amathathu lanhlanu- 34,932, labagule basila kulumkhuhlane, labulala abedlula inkulungwane eyodwa lengxenye-1,543.

Uhulumende weZimbabwe uthi usevuselela uhlelo lweNational Youth Service, olokulolonga abatsha abaziwa ngokuthi ngamaGreen Bomber abavame ukusetshenziswa yiZanu PF ukutshaya lokuhlukuluza abamabandla aphikisayo ngezikhathi zokhetho.

Abanye abeZimbabwe kweleBotswana bathi sebelovalo lokuthola ijekiseni yeCovid-19 kulandela ukubhubha kwezizalwane ezimbili zakulelozwe ekade zisanda kuhlatshwa ijekiseni yeCovishield.

Izizalwane zeZimbabwe zithi zisele zindikindiki kulandela ukumiswa kphlelo lokuhlatshwa kwamajekiseni okuvikela icoronavirus kweleSouth Africa.

Ku Livetalk namhlanje kuhlelo “Diaspora Forum” sikhangela okwenziwa yizizalwane zeZimbabwe esezihlala kwamanye amazwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG