amalinks wokungena

Breaking News

Inhloko zeNdaba Mabasa 15, 2019


Inhloko ZeNdaba

Endabeni zethu lamhlanje ……………..

************* Abasakhulayo bomkhankaso wokulwela ilungelo loluntu owe Tajamuka/Sesijikile, bakhuthaza uhulumende ukuba adinge indlela zokulungisisa isimo somnotho elizweni, esiqhubeka sisiba sibi, besithi abayiboni inguquko umbuso okhona etshona iyibabaza.

*********** Udaba lombuqhazwe oweGukurahundi lokhe kuludaba egudwini ngemva kweminyaka edlula amatshumi amathathu wehlele abantu bezigabeni zeMandebeleni leNkabazwe inengi labathintekayo kuwo lokhe bebhekane lounzima lalamhla lokhu.

*********** Abezempilakahle bakhuthaze abesifazana abakuhlelo lokunatha amaphilisi ehlisa igcikwane le ngculaza emzimbeni ukuba bayehlolwa isibeletho kusase masinya ngoba imvukuzane isivame ukubulala inengi labomama abaphila legcikwane lengculaza abakuhlelo lweART Therapy.

********** Kwezemidlalo………. umqondisi weqembu lenguqu ele Highlanders uMadinda Ndlovu uthi iBosso iphanjaniswe amalungiselelo alo alonyaka iseason ingakaqalisi, okwenze lidliwe yi Harare City 3 -1 ngempelasonto.

********** KuLiveTalk namhlanje sikhangela udaba lombuqhazwe oweGukurahundi. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokuxhumana eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave.

Facebook Forum

XS
SM
MD
LG