amalinks wokungena

Breaking News

Inhloko ZeNdaba Mabasa 16, 2021


Abogatsha lwezempilakahle babika ukuba izolo kuhlatshwe abantu abazinkulungwane ezedlula amatshumi amabili-21,300, ijekiseni yeCOVID-19 Vaccine, okulinani eliphezulu labantu abahlatshwe ngalanga linye lokhu lolu hlelo luqhalileyo. Lokhu kukhuphule inani lasebehlatshiwe ijekiseni leyi eZimbabwe, kusukela ngoNhlolanja lonyaka, kwabazinkulungwane ezedlula amakhulu amabili-252,932.

Inani lasebetholakale beleCovid 19 lokhu laqhamukayo eZimbabwe nyakenye, sebezinkulungwane ezingamatshumi phose amane- 37,422. Okulinani eligoqela inkulungwane ezingamatshumi phose amathathu lanhlanu- 34,961, labagule basila kulumkhuhlane, wabulala abedlula inkulungwane eyodwa lengxenye-1,550.

Amalunga ebandla leMthwakazi Republic Party abotshwa ngenyanga edluleyo amiswe phambi kuka mantshi koBulawayo namuhla lapho aziswe khona ukuthi azaphindela njalo emthethwandaba mhlaka 28 kuyonale inyanga.

Inhlanganiso yeAmnesty International namuhla yethule ugwalo oluveza ukuthi kulabantu abazinkulungwane ezingamakhulu amathathu, 300,000 abangelabuzwe kumbe amaphepha (stateless) eZimbabwe lanxa inengi labo lazalelwa njalo lakhulela kulelilizwe. Inhlanganiso le ithi lokhu kwenza abantu laba baphile njengenyamazana zendle.

Kuhlelo Woza Friday kuliviki silomculi womdumo we Rhumba uSfundo Nkala ohamba ngegama lokuthi Mazwamahle Super Sound Band yena ke udabuka eNkayi.

Ku Livetalk namhlanje kuhlelo sikhangela ukunanzwa kwelanga likazibuse eZimbabwe lonyaka okomnyaka wesibili ilizwe limelana leCovid 19.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG