amalinks wokungena

Breaking News

Inhloko ZeNdaba Mabasa 19, 2021


Abogatsha lwezempilakahle babika ukuba kusiya tshona ilanga layizolo besekuhlatshwe abantu abazinkulungwane eziphose zifike amakhulu amathathu- 278,583, ijekiseni yeCOVID-19 Vaccine.

Inani lasebetholakale beleCovid 19 lokhu laqhamukayo eZimbabwe nyakenye, sebezinkulungwane ezingamatshumi phose amane- 37,751. Okulinani eligoqela inkulungwane ezingamatshumi edlula amathathu lanhlanu- 35,019, labagule basila kulumkhuhlane, wabulala abedlula inkulungwane eyodwa lengxenye-1,553.

Abalwa impi yenkululeko yaeZimbabwe bathi ilanga likazibuse selaphela isisindo kulandela ukwehluleka kokugcwaliswa kwezimiso ezabafuqa ukuya empini ngoba izithelo zikazibuse zisezandleni zabalutshwana njalo inengi labantu ezweni baqhubeka bephila nzima ukwedlula ilizwe lingakatholi uzibuse.

Inhlanganiso ye Active Youth Zimbabwe ithi isiqale uhlelo lokukhuthaza abasakhulayo asebeqhelise ukusebenzisa izidakamizwa koBulawayo ukuthi bazi ingoozi zokusebenzisa izidakamizwa lezi.

Umqeqetshi weqembu lomdlalo wenguqu ele Highlanders uMandla Mpofu uthi kungabe kungabahambelanga kuhle emdlalweni wenkezo ye Independence kodwa indlela abafana bakhe abadlale ngayo imupha isibindi esokuba iqembu leli lizaqhuba kuhle lonyaka.

Ku Livetalk namhlanje kuhlelo sikhangela ukunanzwa kwelanga likazibuse eZimbabwe lonyaka okomnyaka wesibili ilizwe limelana leCovid 19 lokuqhubeka kohlelo lokuhlatshwa kwabantu ijekiseni lokuvikela umkhuhlane eleVaccine.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG