Abenhlanganiso ye lam4Bulawayo Fighting Covid 19, lamhlanje isungule uhlelo lokwabela izakhamizi ezedlula amakhulu ayisithupha ukudla emalokitshini aboBulawayo abalisa Entumbane, Njube leLobengula.
Uzulu upha imibono ehlukeneyo, ngesiphatho sikahulumende kuzizalwane zakhe eziphenduka ekhaya, abanye besola indlela abagcinwa ngayo behlolwa ukuba kababuyanga legcikwane leCovid 19 na, kuquarantine. Lokhu kuza ngemva kokukhonona kweqembu lalabo abavele eNgilandi, besithi akuhlaleki, eBelvedere Teacher’s College lapho abagcinwe khona ngoba kungelamanzi, izambuzi ezisebenza kuhle lokunye.
Osomabhizimusi abalemvumo yokuqhubekela phambili besebenza okusemthethweni ngalesisikhathi ilizwe likuhlelo lweLockdown, bemukele isinqumo esithethwe nguhulumende, sokuqhubekela phambili ngaloluhlelo okwamanye amaviki amabili, besithi lokhe umkhulu umthwalo wokuvimba ukumemetheka lokuthelelanwa kwegcikwane leCovid 19.
Abemaphandleni lokhu bekhala ngokuthi uhulumende akabatholisi ulwazi olweneleyo ngomkhuhlane oweCoronavirus.
Ku Livetalk namhlanje kuhlelo lwabasakhulayo olwe “The Connection” siqhubeka sikhangela umonakalo osudalwe ngumkhuhlane weCoronavirus.