Endabeni zethu lamhlanje ……………..
********** UMongameli Yoweri Museveni wele Uganda ufike e Zimbabwe namhlanje ukuzovula okusemthethweni umbukiso walonyaka wezokuthengiselana oweZimbabwe International Trade Fair.
************* AbeZimbabwe bamanyana lamazwe womhlaba ukunanza ilanga lokuvikelwa komkhuhlane woquqo lweMalaria, uhulumende esithi isilinganiso sababanjwa yilumkhuhlane sehle ngamatsumi amathathu ekhulwini.
*********** Abenhlanganiso ezitshiyeneyo eZansi yemaNdebeleni bakhuthuza ikomishini yokukhumisana umlotha ukuthi ibambe inhlwa ngekhanda kudaba lweGukurahundi ngokufinyelela uzulu owathinthekayo kulimbhuqazwe hatshi ukuba ibhodabhoda emadolobheni.
*********** Izulu lesiphepho lesavunguzane seTropical Cyclone Kenneth elikhangelelwe ukuhlasela amazwe abalisa iMozambique, Tanzania leComoros selisesatshelwa ukuba lingafika laseZimbabwe.
********** KuLiveTalk namhlanje kuhlelo ‘Asiyihluzeni bomama’ sikhangela okwenziwa ngabesifazana ekuzivikeleni emkhuhlaneni woquqo lweMalaria. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokuxhumana eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave.