amalinks wokungena

Breaking News

Inhloko ZeNdaba Mabasa 26,2021


Lanxa inani lasebehlatshiwe ijekiseni lokuzivikela kuCovid 19, eleVaccine, seliqonga okujabulisayo eZimbabwe, ingcwethi zezempilakahle zikhuthaza uzulu ukuba aqhubeke ezivikela ukuthelelwa leli gcikwane. Kunje seliphezu kwenkulungwane ezingamakhulu amathathu-336,600, asebehlatshiwe ijekiseni leli.

Inani labantu bakoBulawayo eselisiba lesifiso sokuhlatshwa ijekiseni yokuzivikela emkhuhlaneni libikwa liqhubeka likhuphuka njalo inengi selikhululeka ukukhuluma ngababhekane lakho ekuhlatshwweni kwabo bekhuthaza abanye ukuba bayehlaba.

Abazali abanengi koBulawayo bathi bahlawula imali enengi eyemfundo loba ababalisi bengafundisi abantwana bekhonona ngeholo eliphansi lokunye.

Izizalwane zeZimbabwe sezemukele ngendlela etshiyeneyo isimemezelo seSouth Africa sokuthi uhlelo lwevaccination yeCovid-19 obelumisiwe luzaqhubeka kusekela ngolweSithathu.

Okhokhela abatsha kuMDC Alliance uObey Sithole ubotshiwe namhlanje.

Lanxa libikwa selinganeno inani labesifazane abalahlekelwa yimiphefumulo ngesikhathi bebeletha, ingcwethi kwezempilakahle zithi lilokhe lisaqonge kakhulu njalo sekungezelelwe laludubo oselulethwe lububhane lwe COVI - 19 lona okuyilo oseluqakathekiswa ukwedlula eminye imikhuhlane.

Ukaputeni weqembu elimela ilizwe le Zimbabwe emdlalweni kakhilikithi uSean Williams uthi iqembu leli litshengise ingqubelaphambili enkulu loba nje linqotshwe ngele Pakistan nge 2 ka 1 kumidlalo eyohlobo lwe Twenty20.

Ku Livetalk namhlanje kuhlelo sikhangela ukuqhubeka kuhle kohlelo lweZimbabwe lokuhlaba abantu ijekiseni yokuzivikela kuCovid 19, eye Vaccine.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG