amalinks wokungena

Breaking News

Inhloko ZeNdaba Mabasa 27, 2021


Sebephezu kwenkulungwane ezingamakhulu amathathu lengxenye- 353,834, abantu asebehlatshiwe ijekiseni eyeCovid 19 Vaccine, eZimbabwe, kutsho abogatsha lwezempilakahle.

Abazali kwezinye izikolo zemhlubulweni weMandebeleni, sebeqale ukubhadala ababalisi imali yokubakhuthaza lokubaphathisa ukuthi basebenze iviki egcweleyo. Esinye sezikolo lesi ngeseMinda esikhiphe umbiko sisazisa abazali ngaleli nyathelo.

Ababalisi labafundela ukuba ngababalisi sebencome inyathela elithethwe nguhulumende lokubengezelela iholo.

Abaphila ngokuthenga lokuthengisa impahla phandle kwelizwe bakhala ngokuqhubeka kuvalwe imingqele yelizwe.

Ngesikhathi eleSouth Africa lithakazelela uzibuse namhlanje izizalwane zeZimbabwe lamabandla ezombusazwe eZimbabwe ase eSouth Africa besithi kunengi iZimbabwe okufanele ikufunde ngendlela lelo lizwe eliqhuba ngayo ezombusazwe lezamalungelo oluntu.

Ku Livetalk namhlanje kuhlelo “The Connection” sixoxa labatsha ngokuqhubeka kohlelo lweZimbabwe lokuhlaba abantu ijekiseni yokuzivikela kuCovid 19, eye Vaccine.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

XS
SM
MD
LG