Ndebele Headlines April 28, 2020
Ugatsha lwezempilakahle lwethule umbiko othi inani lasebefunyenwe belegcikwane leCovid 19, seliqonge laya kwabangamatshumi amathathu lambili-32. Kuthike emhlabeni jikelele asebefunyenwe belegcikwane leCoronavirus sebeyizigidi ezedlula ezintathu-3,170,806
Lamhlanje isibhedlela seThorngroove Hospital sithole uncedo lwezipho ezivele kubangani labalothando lokubona siphakama abagoqela umsakazi, uEzra Tshisa Sibanda, amalunga edale laphalamende, abenhlanganiso eyeDanish Church Aide, abeqembu lenguqu eleChicken Inn Football Club labe Adelaide Shearly abaphe izigqoko kwabahlala emzini ogcina asebekhulile oweKuphumuleni Old Peoples Home.
Ingcwethi kwezentuthuko yabatsha eZimbabwe zincome uhulumende ngenyathelo alithetheyo lokusungula isikhwama sezigidi ezilitshumi lasikhombisa zama dolla eZimbabwe, $17 million ZW, ezasetshenziswa ukuphathisa osomabhizimusi abasakhulayo ngalesi sikhathi ilizwe libhekane lomsebenzi wokulwisana lokuvimba ukumemetheka komkhuhlane weCoronavirus..
Ku Livetalk namhlanje siqhubeka sikhangela umonakalo osudalwe ngumkhuhlane weCoronavirus.