Abogatsha lwezempilakahle babika ukuba sebephezu kwenkulungwane ezingamakhulu amathathu lengxenye- 370,376, abantu asebehlatshiwe ijekiseni eyeCovid 19 Vaccine, eZimbabwe.
Izakhamizi zeSidojiwe Flats koBulawayo, lamhlanje bezilombukiso wamalungelo oluntu ongenwe ngabameli benhlanganiso yomanyano wamazwe womhlaba eZimbabwe, abeUnited Nations, abasekwetheleleni leli dolobho. Iziphathamandla ze UN, zithole ithuba lokuxoxisana labahlali beSidojiwe ngenhlupho ababhekane lazo ezigoqela ukuminyana, ukuswela amanzi, amandla kagetsi lokunye.
Ababalisi labafundela ukuba ngababalisi sebencome inyathela elithethwe nguhulumende lokubengezelela iholo.
Inani labeZimbabwe abasebenza eBotswana okusemthethweni liyehle laya ngaphansi kwenkulungwane ezimbili, kungokwakuqala eminyakeni edlula amatshumi amabili, lapho eleZimbabwe labona ukuqala kokubhidlika komnotho.
Izizalwane zeZimbabwe kweleSouth Africa sezincome uMongameli Cyril Ramaphosa ngokuvuma ukumiswa phambi kwekomishini yenkohlakalo ebuzisiswa ngenkohlakalo okuthiwa yenziwa libandla lakhe leziphathamandla zikahulumende wakhe.
Ku Livetalk namhlanje kuhlelo “Diaspora Forum” sikhangela okwenziwa yizizalwane zeZimbabwe esezihlala kwamanye amazwe.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.
Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.