amalinks wokungena

Breaking News

Inhloko ZeNdaba Mabasa 30, 2021


Seliphezu kwenkulungwane ezingamakhulu amane- 400,771, inani labantu asebenelise ukuhlatshwa ijekiseni eyeCovid 19 Vaccine, eZimbabwe.

Ummeli weHarare West edale lephalamende, uNkosazana Joana Mamombe lomunye wakhe webandla le MDC Alliance, uNkosazana Cecilia Chimbiri bazaqhubeka besesitokisini ngemva kokuba umahluli ethe uzakwethula isinqumo sokuba baphiwe na ithuba lokuhlawula isibambiso ngeviki ezayo ngoLwesibili.

Abenhlanganiso emela izisebenzi elizweni eye Zimbabwe Congress of Trade Unions - ZCTU bathi ziqhubeka zidubeka izisebenzi elizweni, ilungelo lazo lalo liqhubeka lingahlonitshwa kwangezelelwe layikuqhamuka kobhubhane lweCOVID - 19 kwabangela ukuthi abenhlanganiso ebona ngezezisebenzi umhlaba wonke eye IUTC efake eleZimbabwe kumazwe alocuku kakhulu kuzisebnzi.

Ababalisi labafundela ukuba ngababalisi sebencome inyathela elithethwe nguhulumende lokubengezelela iholo.

UManisipala weGwanda usevalela izakhamizi amanzi ezilesikwelede somthelo esesifika kuzigidi ezingamatshumi ayisitshiyangalombili, i$80 million.

Inani labeZimbabwe abasebenza eBotswana okusemthethweni liyehle laya ngaphansi kwenkulungwane ezimbili, kungokwakuqala eminyakeni edlula amatshumi amabili, lapho eleZimbabwe labona ukuqala kokubhidlika komnotho.

Kuliviki kuhlelo Woza Friday silethulela iqembu elizibiza ngokuthi ‘Umndeni KaKristu’ lona elicula ingoma zomdumo wokholo lwesiKristu, abakhonza kubandla le Zion Church.

Ku Livetalk namhlanje sikhangela indaba ezehlukeneyo eziphathelane loubhekane lozulu we Zimbabwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG