amalinks wokungena

Breaking News

Inhloko ZeNdaba Mbimbitho 01, 2021


UMongameli Emmerson Dambudzo Mnangagwa uyekethise iziqondiso zeCovid 19 Lockdown kodwa ekhuthaza uzulu ukuba aqhubeke ezivikela ukuthelelwa igcikwane leli. Embikweni wakhe oqakathekileyo awethulele ilizwe namuhla, ubonge kakhulu amazwe athi eleChina, India, Russia leUnited Kingdom ngesipho samajekiseni okuvikela unkhuhlane aweCovid-19 Vaccine.

Sokuzinsuku ezimbili kungela muntu ofileyo eZimbabwe ebulawa yiCovid 19, okutsho ukuba ulaka lwaleli gcikwane solusehla.

Uhlelo lokuhlaba abantu ijekiseni yokuvikela umkhuhlane eyeCovid 19 Vaccine luqhubekela phambili elizweni.

Kulabalandeli bebandla lama Republicans abathi owayengumongameli, uMnu. Donald Trump, kumele ancintise kukhetho oluzakwenziwa ngomnyaka ka2024 njengoba besithi kukhanya esekelwa ngabanengi abakubandla leli.

Ukaputeni weqembu elimela ilizwe le Zimbabwe emdlalweni kakhilikithi uSean Williams uthi iqembu leli kuzamele libophe ziqine njengoba kulabadlali abathenjiweyo abangasoze bephatheke emidlalweni yalo leqembu lase Afghanistan.

Ku Livetalk namhlanje kuhlelo sikhangela uhlelo lokuhlatshwa kwabantu ijekiseni yokuvikela umkhuhlane eye Covid 19 Vaccine.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG