amalinks wokungena

Breaking News

Inhloko Zendaba Mbimbitho 09, 2020


Inhloko zeNdaba

Endabeni zethu lamhlanje ……………..

****** Abongi esibhedlela seMpilo, koBulawayo bebetshengisela bekhonona ngokuthi isibhedlela sibabamba ngamandla ukusebenza insuku ezinhlanu ngeviki kukanti balesivumelwano sokusebenza insuku ezimbili kuphela.

***** Sokuyiminyaka emihlanu lokhe uItai Dzamara, intathelizindaba eyayilwela amalungelo oluntu wanyamalalayo ngemva kokukhuthaza ukuthi owayenguMongameli uMnu Robert Mugabe ehle esihlalweni.

***** Ukusabalala kwegcikwane lomkhuhlane weCoronavirus emazweni athuthukileyo afana laboItaly leMelika sokusethusa abasemazweni asathuthukayo.

****** Kwezemidlalo………… Iqembu lomdlalo wenguqu ele Highlanders lilabadlali abambalwa abalimeleyo phambilini komdlalo walo owenkezo ye Castle Challenge elizawudlala lele FC Platinum ngempelaviki ezayo.

****** KuLiveTalk namhlanje sikhangela udaba lokunyamalala kukaItai Dzamara intathelizindaba eyayisingene emkhankasweni wokulwela ilungelo loluntu owanyamalala eminyakeni emihlanu edluleyo. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokukhulumisana lokuzilibazisa yebulenjini eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.

Facebook Forum

XS
SM
MD
LG