amalinks wokungena

Breaking News

Inhloko zeNdaba Mbimbitho 1, 2019


Inhloko ZeNdaba
Inhloko ZeNdaba

Endabeni zethu lamhlanje ……………..

************* Amakhulu lamakhulu ezakhamizi zako Bulawayo ahlangene kuleli dolobho ebambisana ukubona ukuba lihlanzekile ngokuthanyela lokudobha izibi, emkhankasweni oweNational Clean Up Campaign, owenziwa ngoLwesihlanu lwakuqala lwenyanga emadolobheni wonke elizwe.

*********** Abamabandla okholo lwesiKhristu akumanyano we Zimbabwe Council of Churches – ZCC bakhuthaza abasakhulayo ukuba behlukane lomkhuba wokukhethana ngezamabandla ezombusazwe, awezokholo lokuthi uyisima kanjani, okulakho ukubasiza ukuthi bangaze basetshenziswa ngabasezikhundleni zaphezulu njengezikhali zokudonga ukuthula lokukubaxabanisa.

*********** Kuqhamuka ukufuthelana lokungahlaliseki ebandleni eliphikisayo ele MDC ekhokhelwa nguMnu. Nelson Chamisa ngesikhathi kulungiselelwa umhlangano walelibandla omkhulu owe Congress.

*********** KuWoza Friday lamhlanje uBenedict Nhlapho weStudio 7 usethulela iskumbuzo sempilo yomhlabeleli obedume ngomculo oweJazz, umuyi uDorothy Masuku.

********** ********** KuLiveTalk namhlanje sihlaziya udubo lwendlala ebangelwa yikungani kuhle kwezulu olukhanya luzahlasela ele Zimbabwe lonyaka. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokuxhumana eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave.

XS
SM
MD
LG