amalinks wokungena

Breaking News

Inhloko ZeNdaba Mbimbitho 15, 2021


Luqhubekela phambili uhlelo lokuhlaba abantu ijekiseni yokuzivikela emkhuhlaneni, eyeCovid 19 Vaccine, eZimbabwe jikelele.

Uhulumende uthi izikolo sezilungele ukumelana le Covid-19 ngesikhathi abantwana beqala ukubuyela esikolo namhlanje.

Abazali babafundi labalwela amalungelo oluntu koBulawayo baveza ukukhathazeka okukhulu ngokuvulwa kwezikolo besesabela ukuba lokhu kulakho ukudala ukuqhamuka njalo ngolaka kwecoronavirus ngoba ababalisi labafundi lokhe bengakahlatshwa ijekiseni lokuzivikela emkhuhlaneni.

Abafundi ezikolo zemaphandleni bebengalandeli iziqondiso zokuvikela igciwane leCoronavirus lapho izikolo zivulwa lamhlanje, abanye bebengagqokanga amamask njalo besondelelana eduzane.Abafundi bebephatheke ekuthaleni izindlu zokufundela kulababalisi abalutshwane ezikolo.

Inhlanganiso yeZimbabwe Human Rights N.G.O Forum leyeZimbabwe Peace Project zethula umbiko ohlaziya indlela ukudla okwabelwa ngayo abaswelayo elizweni.

Odokotela abazingcwethi kwezokwelatshwa kwamehlo ama Ophthalmologist, bakhuthaza abantu ukuba babe lomkhuba wokuhlolwa amehlo lapha lalaphana, ukuze bazivikele kusifo samehlo eseGlaucoma esibangela ukukhubazeka emehlweni umuntu ecine engasaboni.

Ku Livetalk namhlanje sikhangela ukuqhubeka kohlelo lweZimbabwe lokuhlaba abantu ijekiseni yokuzivikela emkhuhlaneni, eyeCovid 19 Vaccine.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG