amalinks wokungena

Breaking News

Inhloko ZeNdaba Mbimbitho 17, 2021


Lanxa uhulumende eseyekethisile njalo imigoqo yokuvikela umkhuhlane weCovid-19 ngokuvumela imidlalo lokuvumela indawo zokudlela ukuthi zivule ngokugcweleyo, abanye bathi ngabe uyavula lemingcele yelizwe ikakhulu oweBeitbridge wona osetshenziswa ngabanengi abaphila ngokuthenga impahla kwamanye amazwe bezithengisa ekhaya.

Sokuhlatshwe abantu abazinkulungwane eziphose zifike amatshumi amane-39,550, ijekiseni yeCOVID-19 Sinopharm Vaccine eZimbabwe, kusukela ngenyanga edluleyo. Sebezinkulungwane ezedlula amatshumi amathathu-36,535, asebebanjwe belecoronavirus, kusukisela nyakenye leli gcikwane liqhamuka elizweni, labulala abedlula inkulungwane eyodwa lengxenye-1,507.

Izizalwane zeZimbabwe ezimbalwa esezithe zaphenduka ekhaya ngemva kokulahlekelwa yimisebenzi emazweni anjengele South Africa zithi impilo lokhu ilukhuni ngenxa yokuswelekala kwemisebenzi kanye lokuvalwa kwamakampani okwengezelelwe yikumemetheka kweCOVID-19.

Inhlanganiso ebona ngeziphepheli umhlaba wonke jikelele eye United Nations High Commission on Refugees (UNHCR) ithi iziphepheli zeZimbabwe eziseBotswana ezingafuni ukubhalisa ukuthi ziphindele ekhaya, zizabanjwa ngamandla ukuthi zibuyele ekhaya. IBotswana iqale ngoLwesibili ukubuyisela emuva iziphepheli zeZimbabwe ebezisele enkambeni yeDukwi, engaphandle kwedolobho leFrancistown.

Izizalwane zeZimbabwe ezidabuka kweleMandebeleni zivalelisa inkosi yakwaZulu uGoodwill Zwelithini ngaphambi kokungcwatshwa kwakhe lamhlanje ebusuku..

Ku Livetalk namhlanje kuhlelo “Diaspora Forum” sikhangela okwenziwa yizizalwane zeZimbabwe esezihlala kwamanye amazwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG