amalinks wokungena

Breaking News

Inhloko ZeNdaba Mbimbitho 19, 2021


Sokuhlatshwe abantu abazinkulungwane ezedlula amatshumi amane-40,002, ijekiseni yeCOVID-19 Sinopharm Vaccine eZimbabwe, kusukela ngenyanga edluleyo. Kunje sebezinkulungwane ezedlula amatshumi amathathu-36,611, asebebanjwe belecoronavirus, kusukisela nyakenye leli gcikwane liqhamuka elizweni, labulala abedlula inkulungwane eyodwa lengxenye-1,509.

Ihlandla lesibili lokuhlaba ababalisi, abantu asebekhulile, abafundisi labanye ijekiseni yeCovid-19 eliqale izolo liyaqhubeka kodwa bekhanya belokhe bebalutshwana abavuma ukuhlatshwa nanku kuhlatshwe abantu phose abangamakhulu amane, 395, kuphela elizweni lokhe izolo.

Lamhlanje uBulawayo unanze ilanga leInternational Women's Day labesifazana abayizisebenzi eziqakathekileyo, bekhuluma inkinga abahlangana lazo ngapha bebhekane lokusilela kwamanzi lokonakala komumo womnotho welizwe. Lokhu uqoqwe yikusebenzisana kwabehlanganiso ezibalisa iCites, Internews leAmakhosikazi.

EleTanzania namuhla ligcobe uNkosikazi Samia Hassan ukuthi abe ngumongameli walelolizwe kulandela ukutshona kukaMnu. John Magufuli obephethe leso isikhundla obhubhe kuthange.

Kuliviki kuhlelo Woza Friday silomculi odabuka eNtabazinduna uThandazani Sibindi owazakala ngokuthi ngu Phazamisa. Usethuthele kwele South Africa ezama ukuthuthukisa umculo wakhe kaMaskandi.

Ku Livetalk namhlanje sikhangela okwenziwa yizizalwane zeZimbabwe esezihlala kwamanye amazwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG