Ukutshiya umsebenzi komsekeli kamongameli welizwe izolo, sekutshiye uzulu lengcitshi ezicubungula ezombusazwe, zibheke ngelokhozi, ukuba ngubani ozathatha isikhundla lesi. Idale laphezulu ele ZANU PF Politburo liyahlangana kusasa lapho ibandla leli, elikhangelelwe ukuphatha ngodaba lokwehla esihlalweni kuka Mohadi.
Intathelizindaba ezimbalwa koBulawayo zihlatshiwe ijekiseni yokuzivikela emkhuhlaneni, eyeCovid 19 Vaccine. Lezo ezihlatshiweyo zithi ziyajabula ngohlelo lolu ngoba zibona zizakwenelisa ukwehlisa amathuba okuqinelwa yiCovid 19.
Kambe ukuyekethiswa kwemigoqo yokwenqabela ukumemetheka kwegcikwane le coronavirus kuzavuselela umnotho welizwe na?
Ukuswelakala kwemali sokusenza kubenzima ukuthi osomabhizimusi bathole imali ukuze amakampani aqhubeke esebenza kuhle ngakho bafisa ukuthi kube lendlela abangathola ngayo imali yokweboleka kwamanye amabhanga besekelwa libhanga elikhulu eleReserve Bank of Zimbabawe.
Ku Livetalk namhlanje kuhlelo “The Connection” sixoxa labatsha ukuze siwe ukuthi balwemukela njani uhlelo lokuhlatshwa kwabantu ijekiseni yokuvikela umkhuhlane eye Covid 19 Vaccine.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.
Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.