amalinks wokungena

Breaking News

Inhloko ZeNdaba Mbimbitho 22, 2021


UMongameli Emmerson Mnangagwa uyemanyana leyinye inkokheli esililweni somunye wakhe wakwele Tanzania obhubhe ngeviki edluleyo. UMnangagwa ukhangelelwe njalo ukuhlatshwa ijekiseni yokuvikela umkhuhlane weCovid-19 eVictoria Falls ngoLwesithathu ndawonye labakhokheli bamanye amabandla ezombusazwe. Uhulumende uthi uMnangagwa uzahlatshwa ijekiseni elungiswe yiCinovac, layo evele kweleChina njengeyeSinopharm.

Sokuhlatshwe abantu abazinkulungwane ezedlula amatshumi amane lambili-42,729, ijekiseni yeCOVID-19 Sinopharm Vaccine eZimbabwe, kusukela ngenyanga edluleyo. Kuthi phakathi kwenkulungwane phose amatshumi amane-36,665, asebebanjwe beleCoronavirus, kusukisela nyakenye leli gcikwane liqhamuka elizweni, abazinkulungwane ezedlula amatshumi amathathu-34,269 babo, kungabagule basila. Abakhulelwe yilesi sifo bedlula inkulungwane eyodwa lengxenye-1,512.

Ingcwethi kwezempilakahle zikhuthaza uzulu ukuba alwemukele uhlelo lokuhlatshwa amajekiseni okuzivikela kumkhuhlane weCOVID - 19 kanye lokuzilondoloza kugciwane le CORONAVIRUS kulandelwa iziqondiso ezabekwa ngabenhlanganiso yezempilakahle umhlaba wonke ye World Health Organisations - WHO bexwayisa ukuthi liyeza igagasi lesithathu lona eliyingozi ephindiweyo.

Izikolo zivuliwe kamhlanje abafundi bavuke ngovivi belubhekise khona. Abazali sebecelwe ukuba bazehlanza izikolo, lanxa uhulumende ubesithi izikolo sezilungele ukuthi abantwana baqale izifundo, kuthi abanye abafundi babuyiselwe emakhaya ngoba bengahlawulelanga indleko zesikolo njalo kubhadalwa ngemali yebulenjini yemabhanga kuphela izikolo azivumi ukubamba imali le ecocash.

Izizalwane zakweleMandebeleni kweleSouth Africa zithi sekuyisikhathi sokuthi uhulumende abhadale inhlawulo ngokubulala akwenza abantu ngesikhathi seGukurahundi.

Ukuvalwa kwelizwe ngeCovid 19 Lockdown sokuphazamise inhlelo zokunanza ilanga labaphila lesimo se Downs Syndrome emhlabeni jikelele, ele World Downs Syndrome Day okweminyaka emibili ilandelana.

Ku Livetalk namhlanje sikhangela okuqhubeka kohlelo lokuhlaba abantu ijekiseni yokuzivikela ekubambeni umkhuhlane eyeCovid 19 Vaccine.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG