Sokuhlatshwe abantu abazinkulungwane ezedlula amatshumi amane lantathu-43,294, ijekiseni yeCOVID-19 Sinopharm Vaccine eZimbabwe, kusukela ngenyanga edluleyo. Kuthi phakathi kwenkulungwane phose amatshumi amane-36,684, asebebanjwe beleCoronavirus, kusukisela nyakenye leli gcikwane liqhamuka elizweni, abazinkulungwane ezedlula amatshumi amathathu-34,315 babo, kungabagule basila. Abakhulelwe yilesi sifo bedlula inkulungwane eyodwa lengxenye-1,514.
Ezinye izikolo koBulawayo seziqale ukuphungula abantwana emaklasini ukuze inani labafundi eklasini eyodwa libengamatshumi amathathu. Ekuqaleni abafundi bebesiba ngamatshumi amane lanhlanu kusiya kumatshumi ayisithupha. Le ngenye yemizamo yokwehlisa ukumemetheka komkhuhlane weCOVID.
Ilunga ledale lephalamende elimele iPumula ngaphansi kwebandla lePDP uHon Sichelesile Mahlangu eselixotshwe edalelibandla lakhe uveza imibono yakhe ngikuxotshwa edale.
Ukaputeni weqembu labesilisa elimela ilizwe le Zimbabwe emdlalweni kakhilikithi uSean Williams, uthi bafunde okunengi okuzabaphathisa emidlalweni elandelayo kumidlalo abayidlale leqembu le Afghanistan ensukwini ezedluleyo.
Ku Livetalk namhlanje kuhlelo “The Connection” sixoxa labatsha ngokuphathelane lokuqhubeka kohlelo lokuhlaba abantu ijekiseni yokuzivikela ekubambeni umkhuhlane eyeCovid 19 Vaccine.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.
Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.