UMongameli Emmerson Mnangagwa usungule ihlandla lesibili lohlelo lokuhlatshwa kwabantu ijekiseni yokuvikela umkhuhlane weCovid 19, eyeSinopharm Vaccine eVictoria Falls namuhla.
Sokuhlatshwe abantu abazinkulungwane ezingamatshumi edlula amane lane-44,135, ijekiseni yeCOVID-19 Sinopharm Vaccine eZimbabwe, kusukela ngenyanga edluleyo. Kuthi phakathi kwenkulungwane phose amatshumi amane-36,717, asebebanjwe beleCoronavirus, kusukisela nyakenye leli gcikwane liqhamuka elizweni, abazinkulungwane ezedlula amatshumi amathathu lane-34,447 babo, kungabagule basila. Abakhulelwe yilesi sifo bedlula inkulungwane eyodwa lengxenye-1,516.
EleBotswana selibike ngokuqiniswa kweziqondiso zeCOVID-19 ngesikhathi umkhuhlane usuvuke ubhova. Amathemba abeZimbabwe kweleBotswana ukuthi bavakatshele izihlobo labangane ngesikhathi sekhefu lePhasika ayatshabalala lapho eleBotswana selibone inani elibhubha ngenxa yeCOVID-19, selilanda amakhulu amahlanu.
Umqeqetshi weqembu elimela ilizwe emdlalweni wenguqu uZdravko Logarusic uthi ulethemba lokuba iqembu leli lizanqoba ele Botswana kusasa ngoLwesine emdlalweni wokudinga amaqembu azakuyadlala kumncintiswano we Africa Cup of Nations loba nje lingela abanye babadlali balo abathenjiweyo.
Ku Livetalk namhlanje kuhlelo “Diaspora Forum” sixoxa lezizalwane zeZimbabwe esezihlala kwamanye amazwe ngokuphathelane lokuqhubeka kohlelo lokuhlaba abantu ijekiseni yokuzivikela ekubambeni umkhuhlane eyeCovid 19 Vaccine.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.
Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.