amalinks wokungena

Breaking News

Inhloko zeNdaba Mbimbitho 25, 2019


Inhloko ZeNdaba
Inhloko ZeNdaba

Endabeni zethu lamhlanje ……………..

************* Uhulumende weBhilithane usesungule isikhwama ngesiphangiphangi, sokubuthanisa imali yoncedo ese Emergency Disaster Fund, yokuphathisa kumonakalo wezulu lesiphepho iCyclone Idai owehlele isabelo seManicaland eZimbabwe.

***********Omama beGwanda behlise ezimathonsi phambi kwekhomidi yedale lephalamende ebona ngezenzakala phakathi kwelizwe bekhala ngenhlupho abahlangana lazo lapho befuna incwadi zokuzalwa amabirth certificates okudala ukuthi abantwana behluleke ukufinyelela ezemfundo.

*********** UMongameli Donald Trump, weMelika ufunyanwa emsulwa ngemva kokuqhitshwa kophenyo lokudingisisa ukuba wasebenzelana labeRussia na, ukuphazamisa impumela yokhetho lokudinga umongameli oluka 2016.

********** Ingcwethi ezisebenza lozulu ukumsiza ukuthoba amanxeba awenqondo lenhliziyo lapho ethe wehlelwa yinkinga empilweni, ama Clinical Psychologis abangamalunga enhlanganiso ye Zimbabwe Psychologists Association basungula uhlelo lokusebenza bengahlawulwa lokusiza abazali, ababalisi kanye lezifundi ze St Luwanga Secondary School ngemva kwengozi elethwe lizulu lesiphepho ele Cyclone Idai.

********** KuLiveTalk namhlanje sikhangela okwenzakala endaweni ezawelwa yingozi yezulu lesiphepho, eyeCyclone Idai esigabeni seManicaland. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokuxhumana eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave.

XS
SM
MD
LG