Ugatsha lwezempilakahle izolo ntambama lwazise ukuba ele Zimbabwe selibe lesehlakalo sesithathu somuntu olomkhuhlane we covid 19 osekwenza abantu abanengi bakubone kufanele ukuba bazivikele bengakathelelwa igcikwane lalumkhuhlane.
Abantu bakoBulawayo sebeveza ukungahlaliseki ngegcikwane leCoronavirus njalo inengi selithenga ukudla okunengi becabangela ukuba uhulumende uzavala ilizwe ngensuku ezizayo. Intengo yokudla okumqoka isikhuphukile, okwenza inengi lehluleke ukuthenga kukunengi.
AbeZimbabwe abahlala kweleBotswana bakhala ngesimo sendawo abavalelwe khona kulandela isinqumo sikahulumende wakulelozwe, elokugcina abavela phandle kwelizwe okwamaviki amabili endaweni ezitshiyeneyo. Lokhu kuyindlela yokulwisana lokumemetheka komkhuhlane wecoronavirus.
Isibhedlela seMpilo sithi sesivale ezinye ingatsha zaso ukwenzela ukuthi siqakathekise ukuhlola abangabe belegcikwane leCoronavirus kumbe imikhuhlane edinga ukwelatshwa ngediphangi-phangi.
Ku Livetalk namhlanje kuhlelo olwe ‘Diaspora Forum’ sikhangela ukumemetheka kegcikwane leCoronavirus emhlabeni jikelele.