Inkokheli yamabandla enkolo ezitsheyeneyo, eZimbabwe ezingene umthandazo obizwe nguMongameli Emmerson Mnangagwa owe President’s Special National Day of Thanksgiving owenzelwe eState House lamuhla, zincintisane ukuncoma umkhokheli welizwe ezinye zimfanisa loJosefa waseBhaibhilini zisithi ungumkhokheli oqotho.
Sokuhlatshwe abantu abazinkulungwane ezingamatshumi aphose afike amahlanu-54,892, ijekiseni yeCOVID-19 Sinopharm Vaccine eZimbabwe, kusukela lolu hlelo luqalileyo ngenyanga edluleyo kaNhlolanja.
Phakathi kwenkulungwane phose amatshumi amane-36,778, asebebanjwe beleCoronavirus, kusukisela nyakenye leli gcikwane liqhamuka elizweni, abazinkulungwane ezedlula amatshumi amathathu lane-34,555 babo, kungabagule basila. Abakhulelwe yilesi sifo bedlula inkulungwane eyodwa lengxenye-1,518.
Owayengumongameli weTanzania uMnu. John Magufuli obhubhe ngeviki edluleyo ungcwatshwa namuhla kulelolizwe emangweni weChato, lapho okugcwele abantu abazomvalelisa.
Kuhlelo Woza Friday namuhla siloMartin Sibanda ehamba leqembu lakhe leNdolwane Super Sounds bephethe idlalade labo elitsha elilesihloko esithi ‘Uyavuma’.
Ku Livetalk namhlanje kuhlelo siqhubeka sikhangela ukuqhubeka kohlelo lokuhlaba abantu ijekiseni yokuzivikela ekubambeni umkhuhlane eyeCovid 19 Vaccine.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.
Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.