Endabeni zethu lamhlanje ……………..
************* Inhlanganiso yeOperation Florian yakweleBhilithani lamhlanje inikeze ikhansili yedolobho lakoBulawayo isipho sezimota ezimbili zokucitsha umlilo leyodwa eyokuthwala izigulane lempahla ezithile ezokusebenzisa abazayabelana lamanye amakhansili asezweni.
*********** Abenhlanganiso ezimela uzulu kunhlangothi ezehlukeneyo zempilo bathi kuqakathekile ukuba kube lokusebenzelana okuhle phakathi kwabo lohulumende ngenhloso yokuthuthukisa impilo yabantu bonke be Zimbabwe kungakhathalekile ukuthi ngabebandla liphi lezombusazwe, okunjengalkho okwenzakale ekuncedeni abawelwe yingozi yezulu lesiphepho ele Cyclone Idai.
*********** Imidlalo yalonyaka eyenguqu esigabeni se Castle Lager Premier Soccer League isungulwe namhla kulomdlalo obuphakathi kweqembu le Harare City lele FC Platinum.
********** Kuhlelo Woza Friday liviki silomculi osachathulayo uBhekinkosi Ngwenya ophethe idlalade lakhe lakuqala asanda kulethula.
********** KuLiveTalk namhlanje siqhubekela phambili sikhangela imizamo eyenziwayo yokunceda abawelwe yingozi yezulu lesiphepho esecycloe Idai. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokuxhumana eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave.