Sokuhlatshwe abantu abazinkulungwane ezingamatshumi aphose afike ayisikhombisa-69,751, ijekiseni yeCOVID-19 Sinopharm Vaccine eZimbabwe, kusukela lolu hlelo luqalileyo ngenyanga edluleyo kaNhlolanja.
I-Zimbabwe ikhangelele ukufika kwamanye amajekiseni wokuvikela ukubanjwa yiCOVID-19 yohlobo lweSINOVAC Vaccine edlula isigidi(1,056,000) athengwa kweleChina.
Abogatsha lwezemfundo yePrimary le Secondary baphawula ngokusemthethweni uhlelo lokuhlatshwa ijekiseni lokuzivikela kumkhuhlane weCOVID - 19 kwabakuloluhlangothi.
Abogatsha lwezempilakahle babika ukuba akula muntu obulewe yiCovid 19 izolo e Zimbabwe.
Ukulahlekelwa yimisebenzi ngesikhathi iZimbabwe imelana leCovid 19 kanye lokuqonga kwentengo yemphahla lokudla ezitolo yikho osokubangele udubo lwendlala emadolobheni kutsho abenhlanganiso ebona ngokudla emhlabeni jikelele eyeWorld Food Program.
Ku Livetalk namhlanje kuhlelo “The Connection” sikhangela ukuqhubeka kohlelo lokuhlaba abantu ijekiseni yokuzivikela ekubambeni umkhuhlane eyeCovid 19 Vaccine uMike Hove exoxa labatsha.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.
Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.