amalinks wokungena

Breaking News

Inhloko ZeNdaba Mbimbitho 31, 2021


Sokuhlatshwe abantu abazinkulungwane ezingamatshumi aphose afike ayisikhombisa-72,944, ijekiseni yeCOVID-19 Vaccine eZimbabwe, kusukela lolu hlelo luqalileyo ngenyanga edluleyo kaNhlolanja.

Uhulumende uveza ukuba usesebenzise imali izigidi ezilitshumi zamadola- USD$10 Million, ukuthenga amajekiseni okuzivikela kuCOVID - 19. Lokhu kuvezwe ngumsekeli kamphathintambo wezempilakahle ngesikhathi ephendula imibuzo emveni kokuba uzulu ethulelwe okuphume emhlanganweni wedale labaphathintambo, iPost Cabinet Press Briefing.

Kulabanye abantu ababaleka eZimbabwe abathi bayesaba ukubuyela ekhaya ngenxa kahulumende kaMongameli Emmerson Mnangagwa abathi wephula amalungelo kazulu njengalokhu okusanda kwethulwa eleMelika.

Izizalwane zeZimbabwe esezihlala kweleSouth Africa sezemukele ngenjabulo inkulumo kaMongameli Cyril Ramaphosa ezipha ilungelo lokuhamba lokuphatheka enkonzweni yephasika ngempelaviki yonale esiyakuyo.

Ku Livetalk namhlanje kuhlelo “Diaspora Forum” sikhangela ukuqhubeka kohlelo lokuhlaba abantu ijekiseni yokuzivikela ekubambeni umkhuhlane eyeCovid 19 Vaccine.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG