amalinks wokungena

Breaking News

Inhloko ZeNdaba Mbimbitho 5, 2021


Uhulumende we Zimbabwe ubika ukuba kulabantu abazinkulungwane ezedlula ezimbili lengxenye-2,688, abahlatshwe ijekiseni yokuzivikela emkhuhlaneni, eye Covid 19 Vaccine izolo. Okutsho ukuba inani lasebehlatshiwe elizweni jikelele lokhu lolu hlelo lusungulweyo kumaviki amabili edluleyo, selifika kunkulungwane ezedlula kancane amatshumi amathathu-30,658.

Sebezinkulungwane ezedlula amatshumi amathathu lengxenye-36,223 asebebanjwe bele Covid 19 lokhu yaqhamuka eZimbabwe ngoMbimbitho nyakenye. Kuthi abagule basila kuleli gcikwane bezinkulungwane eziphezu kwamatshumi amathathu-33,632, labulala abaphansi kwenkulungwane lengenye-1,483.

Isimo somkhuhlane weCovid-19 kweleBotswana sesiphenduke eseganga ngesikhathi kulenani eliphezulu labeZimbabwe eligula kumbe lilahlekelwe yimphefumulo ngenxa yalesisifo.

Kwenziwa umkhosi wokuphawula ukusebenza ngokusemthethweni kwamabhasi angamatshumi amahlanu awenkmpani kahulumende eyeZUPCO.

Kuhlelo Woza Friday kuliviki, silethulela uThuli Sithimbili, yenake ocula umdumo we Afro Pop. UThuli yisizalwane seZimbabwe esisebenzela eCape Town kwele South Africa kulezinsuku.

Ku Livetalk namhlanje siqhubekela phambili sikhangela ukuqhubeka kohlelo lokuhlatshwa kwabantu ijekiseni yokuzivikela emkhuhlaneni, eye Covid 19 Vaccine eZimbabwe lakwamanye amazwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG