Inani lasebebanjwa beleCovid 19 libikwa lisehla okwamagama eZimbabwe, kodwa sokusesabelwa ukuthi ulaka lwaleli gcikwane lungakhwaza njalo ngoba abantu sebeyekethisa ekuzivikeleni bengasagqoki ama mask.
EleZimbabwe limanyane lamanye amazwe womhlaba ukunanza usuku oluqakathekisa imisebenzi yabesifazane, olwe International Women’s Day,uhulumende encoma abesifazane abakuhlangothi lwabaphila ngokuthengisa ngokuqinisela kwabo ngalesi sikhathi ilizwe libhekane lobunzima obulethwe lubhubhane lweCOVID-19.
Abantu abanengi kwele Zimbabwe bathi umkhuhlane weCOVID-19 ubathwalise nzima selokhu waqhamuka nyakenye. Abanye balahlekelwe yizihlobo labangane kwabanzima lokusebenzela imuli.
Ibandla leMthwakazi Republic Party libambisana lezakhamizi zeNtabazinduna ekuxotsheni ocatshangelwa ukuthi ngumkhwenyana kaMnu. Khembo Mohadi obesehluthunele omhlophe ipulazi.
Ku Livetalk namhlanje siqhubekela phambili sikhangela ukuqhubeka kohlelo lokuhlatshwa kwabantu ijekiseni yokuzivikela emkhuhlaneni, eye Covid 19 Vaccine eZimbabwe lakwamanye amazwe.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.
Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.