KoBulawayo abantu bamanyene labanye emhlabeni jikelele ekusunguleni umkhankaso wemfundiso yokulimukisana ngomkhuhlane wemvukuzane yebele ngalinyanga kaMfumfu, eyeBreast Cancer Month.
Ele Zimbabwe selenelise ukuhlaba abantu abedlula izigidi ezintathu-3,111,884, ijekiseni yokuzivikela kuCovid 19, kodwa abangaba yizigidi ezedlula kancane ezimbili babo- 2,312,337 yibo asebehlatshwe amajekiseni wonke womabili, kubika abogatsha lwezempilakahle.
Ababalisi labazali bakhala ngokuthi ukuqala ukusebenza kohlelo lokuhlola izifundi emihlolisweni, olwe Continous Learning Assessment CALA sokuphazamiswe yiziqondiso zeCovid 19 Lockdown.
Ibandla leMDC-T elikhokhelwa nguMnu. Douglas Mwonzora lithi kalikabambani lele MDC Alliance eMatabeleland South lapho okubikwa ukuba amalunga amabandla la asedonsa ndawonye esenzela ukunqoba kukhetho oluzakwenziwa ngomnyaka ka2023.
Iqembu labesifazane elimela ilizwe emdlalweni wenguqu lidlephana lele Botswana kumncintiswano we Cosafa Senior Women’s Championship kudingwa iqembu elizadlulela kusigaba esilandelayo esomncintiswano.
Ku Livetalk namhlanje kuhlelo sikhangela isimo sokumelana leCovid 19 eZimbabwe lokunye okwenzakala elizweni.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.
Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.