amalinks wokungena

Breaking News

Inhloko ZeNdaba Mfumfu 06, 2020


Sebezinkulungwane phose eziyisitshiyagalombili-7,898, asebefunyenwe beleCovid 19, eZimbabwe. Inani lasebesile kuleligcikwane sebezinkulungwane ezedlula eziyisithupha-6,424, labulala abangamakhulu edlula amabili-228.

Abenhlanganiso zababalisi bakhuthaza abazali ukuba basuse abantwababo ezikolo udaba lweholo luze lulungisiswe besithi ngoba ukube lokhe besiya ezikolweni kungela babalisi kuyingozi ekuthini balakho ukuthelelana i- COVID-19 kanye lokuthi balakho ukucina beganga.

Abaphila ngokuthengisa bathi inhlupho ababhekane lazo sezengezelelwa yikuswela indawo eziqondileyo ezokusebenzela. Inengi labo lithi lokhe lingakatholi imali eyathenjiswa nguhulumende yokubancedisa.

Umphathintambo obona ngezemali uMnu. Mthuli Ncube uthi uhlelo lukahulumende olokuvuselela umnotho olweTransitional Stabilization Program luyaphumelela ekufezeni injongo yalo.

Ku Livetalk namhlanje kuhlelo lwabatsha olwe “The Connection” siqubekela phambili sikhangela umonakalo osudalwe yiCovid 19 eZimbabwe lasemhlabeni jikelele.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG