amalinks wokungena

Breaking News

Inhloko ZeNdaba Mfumfu 06, 2021


UMongameli Emmerson Mnangagwa izolo wengeze isikhathi sokusebenza kwemigoqo yokwenqabela ukumemetheka komkhuhlane weCovid-19 phansi kwezinga lesibili (Lockdown Level 2), ngamanye njalo amaviki amabili.

Umphathintambo obona ngokwethulwa kwemibiko uNkosikazi Monica Mutsvangwa utshele intathelizindaba ukuthi idale leCabinet linqume ukuthi indawo ezithengisa utshwala lamabhawa, asengavulwa.

Abogatsha lwezempilakahle babika ukuba ele Zimbabwe selenelise ukuhlaba abantu abedlula izigidi ezintathu-3,128,897, ijekiseni yokuzivikela kuCovid 19, kodwa abangaba yizigidi ezedlula kancane ezimbili babo- 2,342,966 yibo asebehlatshwe amajekiseni wonke womabili, kubika abogatsha lwezempilakahle.

Kuyaxokozela kumabandla ezombusazwe aphikisayo eZimbabwe ngesikhathi kulungiselelwa ukhetho oluzakwenziwa ngomnyaka ka2023.

Abanye babadabuka eZimbabwe asebehlala kwele Botswana bakhala ngentengo ephezulu abayihlawulayo ukuhlolwa ukuba balegcikwane leCovid-19 na, loba hatshi, uma befuna ukuchapha imingcele.

Inengi labazali beZimbabwe kwele South Africa sebeyethule imbono etshiyeneyo ngenyathelo logatsha lwezemfundo lokuqinisa izifundo zocanci ezikolweni abanye besithi lokhu kuzakwenza inengi labantwana behluleke ukuziphatha kantike abanye bathi limfundo yiyo ezakwenza bazivikele.

Ku Livetalk namhlanje kuhlelo “Diaspora Forum” sikhangela okwenziwa yizizalwane zeZimbabwe, esezihlala kwamanye amazwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG