amalinks wokungena

Breaking News

Inhloko ZeNdaba Mfumfu 08, 2021


Ngokutshona kosuku lwayizolo, inani labahlolwe batholakala bele COVID-19, eZimbabwe, lokhu lolubhubhane lwaqhamukayo nyakenye, selikunkulungwane ezedlula ezilikhulu-131,523 okugoqela abantu asebegule basila kulumkhuhlane kunkulungwane ezedlula ikhulu-124,685 kwafa inkulungwane ezedlula ezine lengxenye- 4,631.

Kunje ele Zimbabwe selenelise ukuhlaba abantu abedlula izigidi ezintathu-3,152,916, ijekiseni yokuzivikela kuCovid 19, kodwa abangaba yizigidi ezedlula kancane ezimbili babo- 2,374,045 yibo asebehlatshiwe amajekiseni wonke womabili.

Ngesikhathi uhulumende eqinisa elokuthi kumele izisebenzi zakhe zonke zihlatshwe ijekiseni lokuzivikela kuCovid 19, inhlanganiso emela ababalisi abafundisa emaphandleni eye Amalagamated Rural Teachers Union of Zimbabwe - ARTUZ, ise incwadi yezikhalazo phezu kwaloludaba kanye lokutshengisela ukukhonona kwayo.

Uzulu koBulawayo uthi imizamo yebhanga elikhulu lelizwe ele Reserve Bank of Zimbabwe, eyokuthi bathenge idola leMelika ngesilinganiso samadola eZimbabwe esifakwe libhanga leli, yenza benelise ukuthola imali yakwamanye amazwe kodwa bathi kunzima ukuthi bayifinyelele njalo sebehlala besendwendweni osekubafaka engozini yokubanjwa inkunzi kanye lokuthola umkhuhlane weCOVID-19.

Ibandla leMDC-T elikhokhelwa nguMnu. Douglas Mwonzora lithi likhalela ukuthi kuguqulwe indlela okuqhutshwa ngayo ukhetho eZimbabwe hatshi ukuba kungenziwa ukhetho ngomnyaka ka2023.

Kuhlelo Woza Friday namhlanje silomhlabeleli weDalom Music ocula ekoBulawayo, uNgungunyane, ephethe idlalade lakhe elitsha elilesihloko esithi ‘Sinikiwe.’

Ku Livetalk namhlanje kuhlelo sikhangela isimo sokumelana leCovid 19 eZimbabwe kanye lokuqhubeka kohlelo lokuhlaba abantu ijekiseni yokuzivikela kuleli gcikwane.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG