amalinks wokungena

Breaking News

Inhloko ZeNdaba Mfumfu 09, 2020


Inani lasebetholakale bele Covid-19, eZimbabwe liqhubekela phambili lisehla kodwa ingcitshi zezempilakahle zithi uzulu kumele aqhubeke ezivikela. Sebezinkulungwane phose eziyisitshiyagalombili-7,951, asebefunyenwe belalo elizweni, kwasinda abazinkulungwane ezedlula eziyisithupha-6,446, labulala abedlula amakhulu amabili-229.

UMongameli Emmerson Mnangagwa uthi uhulumende akasoze abanjwe ngamandla ukuthi agcwalise izikhalazo zonke zababalisi, ngoba ezinye zazo kazilungiseki ikakhulu sokuholiswa ngedola leMelika. Wathi labo abakhalala umsebenzi kabasoze baholiswe wancoma abalutshwana ababalisi abenelise ukuphindela emsebenzini izikolo zivulwa.

Ukusilela kwemali emabhanga kuqhubekela phambili edolobheni lakoBulawayo lapho labamavinkili bengela mali ezincane zedola leMelika ukuze baphe abathengi intshitshi.

Izizalwane zeZimbabwe zilokhu zifohlela ngobunengi kweleSouth Africa zisiyadinga ukudla lemisebenzi kungakhathalekile ngemithetho yokuhamba eqinileyo ehlose ukwenqabela ukumemetheka kwecoronavirus.

Ku Livetalk namhlanje siqubekela phambili sikhangela umonakalo osudalwe yiCovid 19 eZimbabwe lasemhlabeni jikelele.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG