Ngokutshona kosuku lwayizolo, inani labahlolwe batholakala bele COVID-19, eZimbabwe, lokhu lolubhubhane lwaqhamukayo nyakenye, selikunkulungwane ezedlula ezilikhulu-131,796 okugoqela abantu asebegule basila kulumkhuhlane kunkulungwane ezedlula ikhulu-125,228 kwafa inkulungwane ezedlula ezine lengxenye- 4,637.
Kunje ele Zimbabwe selenelise ukuhlaba abantu abedlula izigidi ezintathu-3,171,698, ijekiseni yokuzivikela kuCovid 19, kodwa abangaba yizigidi ezedlula kancane ezimbili babo- 2, 409,204 yibo asebehlatshiwe amajekiseni wonke womabili.
Abasakhulayo abanakanelwa ukuba bengaba ngabe Zanu-PF babikwa bevimbe abasekeli be MDC Alliance abakade besiya emhlanganweni webandla leli e Masvingo bababhaxabula kakubi, abanye baze basiwa esibhedlela.
Izakhamizi zakoBulawayo, inhlanganiso ezilwela amalungelo oluntu ezibalisa iWomen ln Leadership Development labeBulawayo Progressive Residents Association bahlangene behlaziya ibudget yekhansili yedolobho leli behlaba omkhulu umkhosi ngokuqansa kwenhlawulo yemithelo kukhansili esiphezulu kakhulu ikakhulu ngesikhathi ilizwe libhekane leCovid-19 etshiye inengi lingelamali, kuthi lezinga lokusebenzela izakhamizi selehle kakhulu uma kuqathaniswa layiolo.
Abalandeli bomdlalo wenguqu kabaselalo ithemba kuqembu elimela ilizwe elama Warriors.
Ku Livetalk namhlanje kuhlelo sikhangela isimo sokumelana leCovid 19 eZimbabwe kanye lokuqhubeka kohlelo lokuhlaba abantu ijekiseni yokuzivikela kuleli gcikwane.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.
Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.