Ngokuphetha kosuku lwayizolo, ele Zimbabwe beselenelise ukuhlaba abantu abedlula izigidi ezintathu-3,176,744, ijekiseni yokuzivikela kuCovid 19, kodwa abayizigidi phose ezimbili lengxenye babo- 2,417,442 yibo asebehlatshiwe amajekiseni wonke womabili.
Kunje inani lasebehlolwe batholakala bele COVID-19, eZimbabwe, lokhu lolubhubhane lwaqhamukayo nyakenye, selikunkulungwane ezedlula ezilikhulu-131,875 okugoqela abantu asebegule basila kulumkhuhlane kunkulungwane ezedlula ikhulu-125,479 kwafa inkulungwane ezedlula ezine lengxenye- 4,643.
Sikhanya sesidale omkhulu umsindo isithupha sokuveza ukuba umuntu uhlatshiwe ijekiseni yokuzivikela emkhuhlaneni, eyeCovid 19 Vaccination esethulwe yiSouth Africa ukwenqabela abangahlatshwanga ukuthi bangene endaweni ezithile.
Inhlangothi ezitshiyeneyo zikhuthaza kwezokulinganiswa kwamathuba kwezokwanelisa ukusebenzisa indlela zebulenjini zokukhulumisana i-internet kanye lemitshina esetshenziswayo, kungeniswe imali eqondiswe kuhlangothi oluthize, ukuze kwenze amantombazana lawo athole amathuba ukuthi bazifinyelele lezindlela.
Uhulumende uqhuba umhlangano labosomabhizimusi phezu kodaba lwesisindo sedola leZimbabwe.
Sizokuzwa impumela yomdlalo wenguqu Phakathi kweqembu elimela ilizwe ele Zimbabwe Warriors lelimela ele Ghana, wokudinga amaqembu azakuyadlala kumncintiswano owenkezo wezizwe zomhlaba eyeWorld Cup.
Ku Livetalk namhlanje kuhlelo “The Connections” sikhangela ukuthuthukiswa lokuqakathekiswa kwabatsha abesifazana lamantombazana njengoba izolo ubunanza usuku olweInternational Day of the Girl Child.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.
Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.